Vitet e fundit, roli i grave shqiptare në biznes dhe sipërmarrje është rritur ndjeshëm, si në Shqipëri ashtu edhe në diasporë. Gjithnjë e më shumë gra po ndërtojnë kompani, po drejtojnë ekipe dhe po kontribuojnë aktivisht në zhvillimin ekonomik të komuniteteve të tyre.

Pavarësisht këtij progresi, rruga drejt lidershipit nuk është gjithmonë e lehtë. Shumë profesioniste vazhdojnë të përballen me sfida që lidhen me aksesin në rrjete profesionale, mungesën e mbështetjes dhe ndërtimin e autoritetit në botën e biznesit.

Rëndësia e komunitetit dhe bashkëpunimit

Në këtë kontekst, rëndësia e komunitetit dhe bashkëpunimit bëhet thelbësore. Kur sipërmarrës dhe profesionistë ndajnë eksperienca, aftësi dhe mundësi, krijohet një ekosistem që gjeneron rritje të qëndrueshme dhe mundësi të reja zhvillimi.

Si Assecomm, ne mbështesim iniciativa që promovojnë networking-un, lidershipin femëror dhe bashkëpunimin mes profesionistëve shqiptarë në të gjithë botën. Një nga ndryshimet më të dukshme sot është kalimi nga konkurrenca drejt bashkëpunimit. Partneritetet, marrëdhëniet profesionale dhe komunitetet ndërkombëtare po bëhen mjete kyçe për ndërtimin e bizneseve të forta dhe të qëndrueshme.

Dukshmëria dhe modelet pozitive për brezat e ardhshëm

Një tjetër element i rëndësishëm është dukshmëria. Ndarja e historive të suksesit dhe rrugëtimeve sipërmarrëse ndihmon në krijimin e modeleve pozitive për brezat e rinj, duke frymëzuar më shumë gra të ndjekin të njëjtën rrugë.

Eventet, summit-et dhe komunitetet profesionale përfaqësojnë sot mundësi konkrete për të krijuar lidhje, për të mësuar aftësi të reja dhe për të zhvilluar bashkëpunime ndërkombëtare.

The Albanian Women in Leadership Summit në SHBA

Në këtë kontekst organizohet “Albanian Women in Leadership Summit”, i cili do të mbahet më 30 maj (17:00 – 21:30) në Beverly, Massachusetts (SHBA), pranë Albanian Boston Community Center. Eventi do të mbledhë sipërmarrës, profesionistë dhe anëtarë të diasporës shqiptare nga shtete të ndryshme të Amerikës.

Mbrëmja do të përfshijë gjithashtu momente të dedikuara kulturës shqiptare dhe socializimit, me darkë, muzikë live, DJ dhe performanca artistike. Më shumë detaje mbi eventin mund të gjenden në linkun përkatës.

Summit-i do të jetë shumë më tepër sesa një event networking-u: ai do të krijojë një hapësirë për diskutim, mësim dhe ndërtim marrëdhëniesh profesionale me vlerë. Pjesëmarrësit do të kenë mundësinë të thellohen në tema si marketingu, inteligjenca artificiale, shitjet dhe rritja e biznesit, duke u lidhur me sipërmarrës me eksperiencë dhe liderë industrie.

Marsilda Nialczak mes folëseve kryesore

Ndër folëset kryesore do të jetë Marsilda Bialczak, sipërmarrëse dhe mentore biznesi e angazhuar prej vitesh në forcimin e komunitetit sipërmarrës shqiptar jashtë vendit.

Kjo nismë vjen si vazhdim i një rrugëtimi të ndërtuar përmes komunitetit në Facebook “Sipërmarrësit Shqiptarë në Mbarë Botën“, sot një nga grupet më të mëdha online që lidh sipërmarrës shqiptarë nga e gjithë bota.